El recibu de la lluz dispárase

Les eléctriques repercuten a los usuarios les xubíes del mercáu mayorista

Los consumidores domésticos nel mercáu llibre vieron cómo les sos factures cuasi se doblaron aplicando'l nuevu preciu del quilovatiu. Xubió unos 100 euros más na factura de la lluz mensual, un total de 1.200 euros añu. El mesmu casu tán viviendo los negocios.

Col cambéu d'añu, munches compañíes actualizaron los precios pa repercutir al consumidor les xubíes del mercáu mayorista.

Seis de cada 10 llares tán en mercáu llibre, y anque caunu pue apautar y escoyer les sos condiciones, los consultores enerxéticos sí ven xeneralizáu esti enclín que se suma a la vuelta de dellos impuestos de los que suprimió'l Gobiernu y la xuba del IPC.