Entra a valir la 'tasa del carbonu' pa la producción d'aceru

Primer etapa d'una transición que se va faer efectiva en 2026

Entra a valir l'impuestu européu sobre'l carbonu pa la producción d'aceru. Busca que les empreses europees puean competir n'igualdá de condiciones. L'eurodiputáu asturianu Jonás Fernández asegura que ye una gran meyora pa la competitividá de la industria asturiano.

La nueva tasa aplícase a productores esternos y foi diseñada pa evitar que los esfuerzos y el compromisu nel amenorgamientu d'emisiones de les empreses europees les perxudique nel mercáu, porque los sos productos son más caros que los fabricaos en países con polítiques medioambientales menos restrictives.

Hasta 2026 namás tendrá que dar anuncia del carbonu nos productos, pero pasada la etapa de transición, los importadores van tener que pagar un preciu pol carbonu emplegao na producción de les mercancíes como aceru, fierro o cementu.

L'oxetivu ye que les empreses europees suxetes al amenorgamientu d'emisiones pa 2030 puean competir n'igualdá de condiciones.

Esti mecanismu tamién se va aplicar al fertilizante, la electricidá o l'hidróxenu.