Falten profesionales nel sector de l'ayuda a casa. La escasez d'enfermeres, auxiliares y técnicos n'atención a la dependencia que se produz na sanidá pública, tamién la noten les empreses privaes. Nun momentu, amás, nel qu'aumentó la demanda d'estos servicios.
Paséu vespertín de Carmen, de 88 años, y la so cuidadora Margarita, que la llevanta, asea y saca a la cai cada día. Una xera pa la que falten profesionales cualificaos.
La demanda d'ayuda a casa va n'aumentu y notóse entá más cola pandemia. Pero pese a la so importancia y dureza, el 'sector curiaos' ta minusvaloráu. Tanto na so retribución como socialmente, según el Colexu d'Enfermería.
Más especialización, formación y reciclaxe son dalgunes de les suxerencies del sector, conformáu por mediu centenar d'empreses. Planteguen amás el modelu 'cheque serviciu' de Francia, onde nun hai concursos públicos. Ye'l perceptor d'ayuda a la dependencia quien escueye la empresa.
Aumentaría la competencia y con ello, sostién Corripio, la calidá del serviciu. Pasu fundamental, al so xuiciu, pa dignificar la figura del auxiliar d'ayuda a casa.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL