La economía asturiana avérase al pieslle d’esti añu con una medría llixeramente inferior a la d’España y con síntomes de desaceleración, anque dientro de tases con signu positivu. Según l’últimu informe d’Hispalink, Asturies acabará 2022 con una medría del 4%, pero la perspectiva ye que baxe al 1,1% en 2023 y al 1,9% en 2024.
L’informe que faen entre otros, espertos de la Universidá d’Uviéu, insiste en que les previsiones tán marcaes pola incertidume del mercáu internacional.
En sectores, l’agricultura ye l’únicu que presenta una medría negativa de manera sostenida nel tiempu. Mientres que la Construcción entá se piensa qu’esperimente una meyoría al respective de 2022, al pasar d’un 8 a un 9,5% en 2023.
El PIB d’Asturies medra un 5,5%, en 2021, el mesmu porcentaxe que la media d’España
L’añu pasáu la economía asturiana medró l’añu pasáu lo mesmo que la media nacional, un 5,5 según l’INE.
Baleares, Les Canaries, Navarra, Cantabria y Valencia son les comunidaes qu’esperimentaron una mayor meyoría de la so economía, nun añu marcáu pola recuperación de les actividaes dempués del parón de la pandemia.
La renta disponible bruta de los llares asturianos foi de 16.700 euros, cuasi mil más que la media del país.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL