La única manera de facer frente a la inflación ye amenorgar la demanda, afirma Santiago Álvarez

El profesor de la Universidá d'Uviéu considera ineficaz pone-y un tope al preciu de dalgunos productos

La medría de los costos de producción ye enagora’l principal problema de les empreses y eso treslládase tamién al día a día de les families. Sobre l’actual situación económica, falóse esta mañana nel Matinal col profesor de la Universidá d’Uviéu, Santiago Álvarez. Asegura que, anque suene duro, la única manera de facer frente a la inflación ye amenorgar la demanda.

Y d’ehí, la política monetaria, encaminada a amenorgar el dineru en circulación. Xuben los tipos d’interés pa que se consuma menos. Ye una política de llibru pa contener una inflación que, non esencial, nel preciu de la cebera supón yá una medría nun añu del 13%.

Santiago Álvarez considera, sicasí, que pone-y un tope al preciu de dalgunos productos como propón Yolanda Díaz nun ye una midida eficaz; y apuesta por ayudes selectives pa los más vulnerables. Anque considera que tamién se podría actuar de manera transitoria sobre l’IVA de dalgunos productos, como yá se plantegó col gas.