Santa Bárbara Sistemas presenta dos nuevos vehículos blindaos fabricaos en Trubia

Madrid acueye la Feria Internacional de Defensa y Seguridá

Santa Bárbara Sistemas presenta dos nuevos vehículos blindaos fabricaos en Trubia y tamién un conceptu de vehículu de sofitu a cadenes col que la compañía aspira a algamar el viniente contratu de Defensa.

Foi esta mañana na Feria Internacional de Defensa y Seguridá.

Los vehículos presentaos güei son un carru de combate llixeru y un vehículu de recuperación. El conceptu ye un vehículu de sofitu en cadena, según esplicó David Lugo, director d'Inxeniería de Santa Bárbara Sistemas.

David González, secretariu del Hub de la Industria de la Defensa, asegura qu'Asturies ye una sorpresa y ye la sesta comunidá que más factura nel sector de Defensa.