El Parlamentu Européu da lluz verde pal axuste del carbonu en frontera

La propuesta algama una amplia mayoría na Eurocámara

El Parlamentu Européu da lluz verde esta selmana a la so propuesta de mecanismu pal axuste del carbonu en frontera, esto ye, pa que les empreses europees y estranxeres paguen lo mesmo polo que contaminen. La propuesta algamó una amplia mayoría na Eurocámara, pero queda camín por percorrer.

Alderícase esti llunes y vótase'l miércoles. Ye'l mecanismu del que se va dotar Europa pa tratar de que'l restu de países amenorgue les sos emisiones de C02 y que nel nuesu mercáu interior les regles seyan igual pa toos.

Ye'l camín pa consiguir la neutralidá climática n'Europa ensin fugues d'empreses, pero hasta 2023 nun va entrar a valir, un tiempu nel que'l riesgu de deslocalizaciones va persistir.

El sistema tien que ser compatible coles regles de la Organización Mundial del Comerciu y nun favorecer guerres comerciales.

Na OMC, l'asuntu va tocar de nuevo n'abril.