Indonesia recuerda'l tsunami de 2004 dende la mezquita qu'aguantó de pie na zona cero

Tailandia, Sri Lanka o India rinden tributu a víctimes del tsunami

Conmemórense 20 años del tsunami perfuerte qu'azotó Indonesia, dexando un saldu de 167.000 víctimes mortales. Otros países de la rexón, como Tailandia, Sri Lanka y India, entamaron actos conmemorativos pa rindir homenaxe a les víctimes d'esta traxedia.

Indonesia recordó esti xueves a les 167.000 víctimes del tsunami de 2004 nun emotivu actu celebráu na Gran Mezquita de Baiturrahman, na ciudá de Banda Aceh. Na ceremonia, miles de fieles xuniéronse en plegaries polos muertos, mientres que líderes relixosos y autoridaes locales recordaben la magnitú del desastre.

El gobernador d’Aceh destacó que, amás de ser una traxedia humanitaria enxamás vista, el tsunami foi un puntu d'inflexón pa la paz na rexón, marcando'l fin de más de tres décades de conflictu armáu.

Amás de les ceremonies n'Indonesia, otros países afectaos pola catástrofe, como Tailandia, Sri Lanka y India, tamién celebraron actos d'alcordanza poles más de 228.000 víctimes nel sudeste asiáticu y África.

L'actu más destacáu tuvo llugar en Ban Nam Khem, el llugar tailandés que más sufrió’l tsunami, onde se dispunxo una fila de flores blanques n'honor a los muertos a lo llargo de los 14 países afectaos por esta traxedia.