Maduro xura énte'l Parllamentu como presidente de Venezuela, a pesar de les denuncies de fraude

La XE diz que Maduro nun tien "la llexitimidá d'un presidente democráticamente escoyíu"

El líder del chavismu, Nicolás Maduro, foi xuramentáu esti vienres como’l presidente de Venezuela, pal periodu 2025-2031, pola Asamblea Nacional (AN, Parllamentu), controláu pol oficialismu, a pesar de que la oposición mayoritaria reivindica qu’Edmundo González Urrutia foi’l ganador de los comicios de xunetu pasáu.

"Xuro pol históricu, noble y combativu pueblu de Venezuela y énte esta Constitución, que fadré cumplir tolos sos mandatos, inauguro’l nuevu periodu de la paz, la prosperidá y la nueva democracia", dixo’l mandatariu énte’l presidente del Parllamentu, el chavista Jorge Rodríguez.

El líder chavista, que xuró sobre un exemplar orixinal de la Constitución roblada pol fináu presidente Hugo Chávez y aprobada mediante referéndum n’avientu de 1999, aseguró qu’entama’l "periodu de la paz, la prosperidá y la nueva democracia".