Miles de persones siguen fuxendo de Santorini mientres los seísmos sucédense na islla

Kyriakos Mitsotakis pide a los islleños "que caltengan la calma"

Unes 11.000 persones abandonaron hasta agora la islla griega de Santorini, n’El Mar Exéu, por mor de los constantes seísmos -d’hasta 5 de magnitú- que siguen sacudiendo la rexón dende va cuasi dos selmanes, mientres que’l Gobiernu helénicu reforzó los equipos d’emerxencia na zona.

Namás esti miércoles rexistráronse yá más de 60 terremotos na zona marítima ente Santorini y Amorgos, dos de los más grandes pela madrugada, d’una magnitú 4 y 4,3, que se sintieron con diferencia de cinco minutos l’ún del otru, según l’Institutu Xeodinámicu d’Atenes.

Per segundu día siguíu cientos de persones axuntáronse’l martes frente al cai de la islla -que tien unos 25.000 habitantes- pa intentar embarcar en dalgún de los ferris con destín a Atenes.

Otros decidieron dir al aeropuertu p’alcontrar un sitiu en dalgún de los vuelos estraordinarios que faen dos aerollinies griegues, lo que provocó grandes atascos de tráficu.