Europa enfréntase al peor biltu de fiebre aftosa dende entamos de sieglu, alerta la FAO

Ye una enfermedá viral, mui contaxosa y qu'afecta a gochos, ganáu bovino, oveyes y cabres

Europa enfréntase al "peor biltu de fiebre aftosa dende entamos de sieglu", polo que fai falta tomar "midíes urxentes" pal so diagnósticu tempranu y prevención, asina como pa minimizar el so impactu, alertó esti llunes la Organización de la ONU pa l’Alimentación y l’Agricultura (FAO).

"Los recientes biltos de fiebre aftosa n’Europa y l’inxerimientu d’una cepa exótica del virus n’Oriente Próximu ponen de relieve la necesidá d’una detección temprana", dixo la FAO, nun comunicáu, sobre una enfermedá viral altamente contaxosa qu’afecta sobre manera a animales de pezuña fendida.

Nel casu d’Europa, normalmente llibre de la enfermedá, sufre "el so peor biltu" dende 2001, dempués de detectase en dellos países esti 2025.