'El Chicle', acusáu del crime de Diana Quer: "La mio intención nun yera matala"

"Cuando me di cuenta, taba parada. Nun se movía"

José Enrique Abuín Gey, alies 'El Chicle', acusáu del asesinatu de la moza madrilana Diana Quer en 2016, declaró esti martes nel xuiciu que se sigue escontra él que la so intención nun yera matala.

'El Chicle' declara na Sección Sesta de l’Audiencia Provincial d’A Coruña, con sede en Santiago de Compostela, pola muerte de la moza en 2016, nuna vista con xuráu popular qu’entamó güei.

Reconoció que’l día del socesu foi con dos garrafes a robar gasoil d’unos camiones y darréu vio a Diana Quer. Por mieu a que lu delatare, según la so versión, garróla pol pescuezu y ensin dase cuenta de la presión que facía, matóla.

"Cuando me di cuenta, taba parada. Nun se movía", aseguró.