Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
Fuente: RTPA, 21 de xunetu. 2018 20:58

Pablo Casado, escoyíu nuevu presidente del PP

Los asturianos Reyes Fernández Hurlé y Pablo Álvarez-Pire tarán inxertos na nueva executiva

Pablo Casado foi escoyíu güei nuevu presidente del PP en sustitución de Mariano Rajoy al imponese a Soraya Sáenz de Santamaría na votación de los compromisarios asistentes al XIX Congresu Nacional del partíu.

Casado algamó’l votu del 57%, 1.701 sufraxos, de los compromisarios populares frente a los 1.250 qu’algamó Soraya Sáenz de Santamaría.

Pablo Casado dio’l so primer discursu como líder de la formación con una promesa: "Nun vos voi defraudar". Sicasí, amosóse convencíu de que los populares saldrán "más fuertes y más xuníos d’esti procesu" nel que "toos" votaron al PP y "toos ganaron", dixo.

Tamién tuvo pallabres d’agradecimientu tanto pal so antecesor, Mariano Rajoy, y pa la so rival nesta contienda, Soraya Sáenz de Santamaría, pola campaña "llimpia" que fizo.


Pablo Casado reivindicó que la so candidatura ye la de la unidá y "integración real", frente a la llista única que proponía Soraya Sáenz de Santamaría, porque sedrá tanto a nivel xeneracional como territorial y ideolóxica.

Casado aseguró que nel so proyectu "naide pierde" y, a nivel ideolóxicu, cabe tolo que tea a la derecha del PSOE, inclusive dalgunos d’izquierdes que voten al PP porque "saben que xestionamos muncho meyor cuando gobernamos", afirmó.

Tamién insistió en que’l so proyectu ye’l de l’anovación y hai qu’ampliar la base social del PP y "abrir puertes y ventanes" pa qu’entre tol mundu, asina como formar y tar "arguyosos" de la historia del partíu porque nun pue lideralu’l que nun reinvidique esti pasáu.

Per otra parte, reivindicó la "honestidá" como unu de los principales principios que vertebren al PP. "Equí nun cabe un solu corruptu", dixo al defender la so candidatura pa suceder a Mariano Rajoy al frente de los populares.

Amás d’esi compromisu na llucha escontra la corrupción, Casado defendió que’l PP ye’l partíu de la vida y la familia, el partíu de les víctimes del terrorismu y de la unidá d’España, y qu’esi ye’l partíu que quier representar.

Ente los nomes que Casado inxertó pala so propuesta del Comité Executivu Nacional tán la conceyala avilesina, Reyes Fernández Hurlé, y el presidente de Nueves Xeneraciones d’Asturies, Pablo Álvarez-PireSantiago, na llista de la Xunta Directiva Nacional.

© 2019 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Cookies | RSS | Sobre RTPA | Entidad adherida a AUTOCONTROL

Aviso de cookies

Usamos cookies propias y de terceros para ofrecer una mejor experiencia y mostrarle publicidad relacionada con sus preferencias. Al navegar o utilizar nuestros servicios el usuario acepta el uso que hacemos de las cookies.

Pinche aquí para más información Entendido