La circulación ferroviaria hacia Valencia nun se va volver a entamar polo menos hasta dientro de 15 díes

Hai más de 300.000 persones ensin teléfonu y 80.000 ensin lluz

El xestor de la infraestructura ferroviaria, Adif, nun va poder recuperar la operatividá de les víes qu'enllacen Madrid con Valencia polo menos hasta dientro de 15 díes o tres selmanes, porque la infraestructura ta bien estropiada y colapsaron dos túneles, el de Chiva y el de Torrent.

Nuna rueda de prensa en Madrid pa esplicar l'estáu de les infraestructures de tresporte, el ministru de Tresportes y Movilidá Sostenible, Óscar Puente, señaló que los trabayos de recuperación de les víes van esixir polo menos dos o tres selmanes.

Na rede d'alta velocidá ente Madrid y Valencia hai dos puntos gravemente afectaos: el túnel de Chiva, onde cayeron dafechu 1,2 kilómetros de la cimentación (300 metros en caunu de los estremos del túnel y otros 600 metros nel interior) y el túnel de Torrent, nel qu'hai sobre dos kilómetros enllenos d’agua.