Fuente: RTPA, 11 de xineru. 2025 21:07

El buque Juan Sebastián de Elcano zarpa del cai de Cádiz cola princesa Leonor a bordu

Ver la transcripción del vídeo de esta noticia Momento actual

  • 0:44Con pena.
  • 0:46Con pena.
  • 0:47Con ilusión.
  • 0:51Majestades, por favor, No.

Los reis d'España presiden la despidida del buque

El buque escuela de l’Armada española Juan Sebastián de Elcano zarpó esti mediudía del cai de Cádiz pa facer, cola princesa Leonor a bordu, el so 97 cruceru d’instrucción.

Los reis d’España presidieron la despidida del buque, nel que la so fía, y otros 75 guardamarines faen una travesía de cuasi seis meses.

Como los reis, más de 1.600 familiares de los 76 guardamarines fueron al cai de Cádiz pa esta despidida del cuasi centenariu bergantín-goleta, onde se vivieron escenes d’emoción énte la marcha de los futuros oficiales de l’Armada y la dotación del buque.

El presidente de la Xunta d’Andalucía, Juanma Moreno, y l’alcalde de Cádiz, Bruno García, recibieron a los reis a bordu del barcu, onde se despidieron de la so fía. A la so llegada rindiéronse honores al monarca con 21 cañonazos y 7 vives a España, mientres que la ministra de Defensa, Margarita Robles, que xubió al buque poco dempués por mor de que la ñublina retrasó la so llegada, foi abucheada polos familiares de los guardiamarines.