La estratexa de vacunación frente a la COVID-19 afita 18 grupos poblacionales a los que se dirá alministrando les dosis de les vacunes que se vayan autorizando, siendo los prioritarios los residentes y trabayadores de centros sanitarios y sociosanitarios, unos 2,5 millones de persones.
A esti grupu siguirálu’l restu de personal sanitario y grandes dependientes, según dio anuncia esti martes el ministru de Sanidá, Salvador Illa, qu’esplicó que los grupos llendaráse en función de cuatro niveles de riesgu: morbilidá grave y mortalidá, grau d’esposición a la enfermedá, impactu socioeconómicu y el ritmu de tresmisión.
El plan llenda tres etapes de priorización en función de la disponibilidá de les inyecciones: una primera "con un suministru mui llendáu" de dosis que va de xineru a marzu; una segunda, de marzu a xunu, na que se medrará "de forma progresiva" la vacunación; y una última pa inmunizar a la totalidá de los 18 grupos poblacionales afitaos.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL