Sanidá confirma 78.797 casos de coronavirus y 6.528 fallecíos

El Ministeriu valora la cayida de contaxos pero avisa d'UCI saturaes en seis CCAA

El director del Centru de Coordinación d'Alertes y Emerxencies, Fernando Simón, celebró'l descensu nel ritmu de nuevos contaxos de coronavirus de los últimos cuatro díes, pero conseñó que siguen siendo necesarios los esfuerzos porque hai UCI en riesgu de saturación en 6 comunidaes.

Simón compareció en rueda de prensa en La Moncloa xunto a los responsables sanitarios del Comité Técnicu de Xestión del coronavirus.

Afitó que la medría de los contaxos hasta 78.897 casos d'infección supón 5.549 más con respecto a ayeri, un incrementu del 9% que supón el cuartu descensu nel ritmu de propagación de nuevos casos nos últimos díes, nos que se pasó del 18% al 14, 13 y 9%, consecutivamente.

Sicasí, Simón pidió tener cuidáu coles cifres pol posible efectu del fin de selmana, que podría provocar que la mengua pudiera ser menor a lo observao.