Asturies ye de les comunidaes onde más sobresalientes hai na EBAU

L'Observatoriu Universitariu alvierte de les desigualdaes d'evaluación en bachiller y EBAU

Asturies ye de les comunidaes más arrogantes a la hora de calificar los esámenes de la EBAU. Asina lo afiten nun informe del Observatoriu del Sistema Universitariu, nel qu'alvierten de la gran diferencia nos criterios de corrección ente comunidaes autónomes.

L'añu pasáu, un 12% de los estudiantes llograron n'Asturies un sobresaliente nes cuatro materies obligatories de la EBAU, más de seis vegaes superior qu'en Baleares.

Nel informe sollerten tamién de la enorme diferencia coles notes que se llogren en Bachilleratu, muncho más altes, sobre manera nos centros privaos.

Na rexón, el porcentaxe d'estudiantes que llograron sobresaliente nesti ciclu supera'l 25%. Diferencies esmolecedores, aseguren, sobre manera teniendo en cuenta la esistencia del distritu únicu, y que causen un gran problema d'equidá a la hora d'aportar a les carreres más demandaes.