Prindáu un home por matar a la so ex-pareya, so ex-suegra y la so ex-cuñada en Pontevedra

Un total de 41 muyeres asesinaes y 28 menores güérfanos no que va d'añu por violencia machista

En Galicia, la Guardia Civil prindó a un home por matar a tiros a la so ex-pareya, so ex-suegra y la so ex-cuñada nel llugar pontevedrés de Valga.

El triple crime foi a primer hora de la mañana y nesi momentu taben na casa los dos fíos de la pareya, de cuatro y ocho años.

L'home coló del llugar dempués y llamó dende la so casa a la Guardia Civil pa confesar los fechos. Prindáronlu na so casa, a 20 kilómetros del llugar del crime.

Yá son 41 les asesinaes y 28 los menores d'edá que quedaron güérfanos no que va d'añu pola violencia machista.