Supuestu crime por herencia

La xueza dexa en llibertá a Luis Lorenzo y a la so pareya

Isabel S.A. morrió en xunu pasáu en Madrid a los 85 años, aparentemente de muerte natural, pero’l so hermanu duldó de que fuera asina y entamó un procesu que confirmó les sos sospeches: la muyer morrió envelenada con unes sustancies que-y dieren, presumiblemente, la so sobrina y el noviu d’esta, l’actor Luis Lorenzo.

Foi esta mañana cuando la noticia del so prindamientu y el de la so moza Arancha P.F. saltó a los medios de comunicación pa sorpresa de los que sabíen quién yera l’actor (participó en series como 'La que se avecina' o 'El comisario') y de los que nun lu conocíen.

Sicasí pa la Guardia Civil, que dende que l’hermanu de la muyer denunció n’Asturies, comunidá na que vivía davezu la víctima, nun dexó d’investigar pa esclariar les circunstancies de la muerte.

La muyer yera vilba y vivía nel conceyu asturianu de Les Regueres y de xemes en cuando visitaba a la so sobrina y al actor na so casa del pueblu madrilanu de Rivas-Vaciamadrid.

En 2021 pasó una llarga temporada con ellos, según confirmó esti vienres la delegada del Gobiernu en Madrid, Mercedes González, que recordó que foi en xunu cuando la muyer morrió.

De la primer autopsia afitó qu’Isabel S.A. morrió por causes naturales, pero dempués de la denuncia del hermanu, una segunda autopsia reveló que nel so cuerpu había un "gran conteníu" de sustancies que-y causaron la muerte por envelenamientu, según dixo la delegada.

Según les primeres investigaciones, l’actor y la so moza pudieron da-y eses sustancies col envís de quedar cola herencia de la octoxenaria.​