El Foru d’Atención Primaria calcula que n’ocho años el sistema actual desapaecerá si nun se ponen midíes.
Les ocho organizaciones que lu formen llanzaron una campaña de concienciación hasta’l Día d’Atención Primaria, que se celebra’l 20 de marzu.
Según los profesionales, dos de cada tres médicos d’Atención Primaria tienen más de 50 años. Falten, amás, más de 4.700 places de médicos de familia y otres 1.300 de pediatres. Cada ausencia dexa a un millar de persones ensin asistencia y cubriles supondría 280 millones d’euros.
Frenar la fuga de bates blanques de la primer llinia d’atención pasa por desburocratizar les consultes, ampliar la cartera de servicios, medrar la inversión y dignificar la especialidá. Daqué que nun concreta la propuesta aprobada pol Ministeriu.
Los profesionales tuvieron, amás, un recuerdu pa Salvador Tranche, muertu’l mes pasáu, y amosaron el so compromisu p’atender a los desplazaos de la guerra d’Ucraína.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL