El Gobiernu regula'l sector de 'influencers' n'Internet

Afítense una serie d'obligaciones y tendrán qu'inscribise nun rexistru

El Gobiernu regula’l sector de los llamaos 'influencers' n’Internet. Acaba d’aprobar un reglamentu que define qué criterios hai que cumplir pa ser consideráu "usuariu d’especial relevancia". Afítense una serie d’obligaciones y tendrán qu’inscribise nun rexistru.

Regular el conteníu publicitariu, ye ún de los principales oxetivos de la conocida como Llei d’Influencers. La norma obliga agora a indicar si lo que s’anuncia ye o non de conteníu pagáu, espliquen les influencers Raquel López, @yosoymamifit, y Roma Gallardo.

Escluye de promoción tabacu, alcohol o medicamentos, señala Raquel López, @yosoymamifit.

Amás el conteníu tendrá que tar calificáu per edá. Dalgunos influencers recuerden que dalgunes plataformes yá esixen estos controles.

Ven bien que se protexa al menor pero pa dalgunos creadores de conteníu xenera malestar el qué pasará si nun s’inscriben nel Rexistru Estatal de Prestadores Audiovisuales

Lo importante, insisten, ye xenerar conteníu de calidá y con valores.