El PSOE proclama a los candidatos pa les elecciones autonómiques

Barbón mira por garantizar la sostenibilidá del sistema social n'Asturies

El secretariu xeneral de la FSA-PSOE, Adrián Barbón, abogó güei, como centru del so futuru programa electoral, por llograr una garantía de sostenibilidá del sistema social na rexón escontra de los partíos de la derecha que quieren que "mengüe".

Barbón, qu'asiste al Comité Federal del PSOE en Madrid, onde foi proclamáu güei como cabeza de llista del partíu por Asturies pa les elecciones autonómiques del próximu mes de mayu, conseñó que la formación ye la "defensora d'una buena educación y sanidá pública frente a los partíos de la derecha que quieren menguar l'axenda social, que vaya poco a poco desapaeciendo".

El próximu candidatu del PSOE a la Presidencia del Principáu afirmó que lu ilusiona representar a los militantes socialistes y a los ciudadanos y qu'espera construyir un programa electoral pa 2019, "enllenu d'ilusión y esperanza".

Dixo que tien "mui en cuenta" la situación qu'atraviesa la planta avilesina d'Alcoa, pendiente d'un ERE, y de les industries asturianes, lo que supón "un retu qu'hai qu'encarar".

Tamién destacó'l problema del despoblamientu de la rexón, una cuestión que, al so xuiciu, hai que saber encarar pa iguar la "superviviencia" del Principáu.

Amás, apostó por polítiques que permitan el regresu de talentos mozos qu'emigraron de la rexón y pa que nun colen los qu'agora tán equí, amás d'apostar pola culminación de les infraestructures pendientes nel Principáu.

"Trabayaremos con realismu, colos pies na tierra pero cola mirada alta mirando al futuru", conseñó Barbón, que valoró les polítiques feches pol Gobierno central que preside Pedro Sánchez.