Espertos consideren que la eliminación del votu rogáu va aumentar la participación

El votu estranxeru suel beneficiar a les grandes formaciones

Asturies tien 832.000 electores, d'ellos más de 122.000 tán nel estranxeru. Si fueren una circunscripción por númberu d'electores superaríen a la occidental y la oriental. Espertos en Derechu Constitucional y Ciencies Polítiques consultaos por TPA Noticies consideren que la eliminación del votu rogáu va aumentar la participación.

De cada siete votantes nes próximes autonómiques, unu ta nel esterior. Son más de 122.000. Asturies ye de les comunidaes onde esti votu va tener más pesu.

N'ochobre suprimióse'l votu rogáu que s'impunxera en 2011. El cambéu va suponer que los electores van poder exercer el so derechu ensin tanta burocracia. Los espertos creen que va aumentar la participación.

Dellos partíos, como'l PSOE o'l PP, viaxen estos díes a América pa captar esti votu, que pue ser decisivu.

El votu estranxeru suel beneficiar a les grandes formaciones, son les más conocíes.​