Montero entrega nel Congresu'l proyectu de Presupuestos Xenerales de 2022

Los presupuestos destinen 126.508 millones pa comunidaes autónomes

La ministra de Facienda, María Jesús Montero, entregó a la presidenta del Congresu, Meritxell Batet, el proyectu de llei de los presupuestos Xenerales del Estáu pa 2022, la llei más importante del añu. La so tramitación tendría qu’acabar enantes d’avientu pa que puean entrar en vigor el 1 de xineru.

Enantes d’entregar el proyectu de Llei a Batet, la ministra faló énte los medios gráficos nel Patiu de Floridablanca, amosando’l tradicional "llibru mariellu" -que tien les exes fundamentales de les cuentes públiques-.

El Conseyu de Ministros aprobó’l proyectu presupuestariu de 2022 el 7 d’ochobre pasáu en sesión estraordinaria, unes cuentes con un tope de gastos y ingresos récor volcaes n’afitar la recuperación económica y inxertar los proyectos asociaos a los fondos europeos.

Les cuentes públiques amás tán centraes na mocedá y inxerten un bonu cultural de 400 euros pa los que cumplan 18 años y un bonu p’alquiler de 250 euros pa mozos y moces de baxos ingresos.

L’Executivu confía en cuntar con una gran mayoría pa poder aprobar los presupuestos enantes de fin d’añu.

El proyectu presupuestariu de 2022 destina 126.508 millones de euros pa les comunidaes autónomes, gracies a entregues a cuenta récor y un fondu estraordinariu de 7.004 millones d’euros.