Rego pide al PP sofitu pa una reforma de la Llei d'Estranxería que se rexistrará'l llunes

La ministra destaca'l trabayu que se fai nel centru d'acoyida temporal asitiáu nel Colexu San Xosé de Sotrondiu

El Gobiernu entamará la selmana viniente la reforma del artículu 35 de la llei d’Estranxería pa facilitar l’atención a los menores estranxeros non acompañaos, según dio anuncia esti vienres en Mieres la ministra de Mocedá y Infancia, Sira Rego.

La titular de Mocedá aprovechó amás la ruptura de los gobiernos de la derecha y la ultraderecha pa convidar al líder del PP, Alberto Núñez Feijoo, a que sofite la proposición de llei que se rexistrará, previsiblemente’l llunes, pa entamar esi cambéu llexislativu.

Rego, que participó en Mieres na Universidá de Branu del Partíu de la Izquierda Europea xunto al so presidente, Walter Baier, señaló que los alcuerdos algamaos na conferencia sectorial d’esta selmana pa l’acoyida voluntaria d’esos neños y neñes nes distintes comunidaes autónomes ye un primer pasu, pero "insuficiente entá".