Un despidu por nun vacunase sedría improcedente o nulu según la llexislación actual

Los espertos dulden de si los non vacunaos podríen sufrir cambeos nes sos condiciones llaborales

Cola llexislación española actual, nun podría despidise a un trabayar por negase a vacunase de la Covid. Sedría un despidu improcedente y inclusive nulu. Lo que nun tienen tan claro los abogaos llaboralistes ye si al negase, podríen modifica-yos les condiciones llaborales, camudando turnos o inclusive destinos.

La vacuna escontra la Covid nun ye obligatoria, pero ¿podríen les empreses coaccionar a los sos emplegaos a ponela so amenaza de despidu?

Nun ta claro qu'en casu de neganos a la vacuna, puean modificanos les condiciones de trabayu. Por casu a cuidadores de vieyos. Lo que sí pue soceder ye que los empresarios a la hora de contratar tengan en cuenta a quien tean vacunaos.

Sí podría obligase, coinciden los abogaos llaboralistes, a determinaos colectivos como los sanitarios. Pero, pa ello, habría qu'establecelo por aciu d'un Real Decretu.​