'María Moliner', el 16 de xunu, nel Teatru Campoamor

Una ópera contemporánea con dirección musical de Víctor Pablo Pérez y dirección escénica de Paco Azorín

El Teatru Campoamor estrena, el 16 de xunu, 'María Moliner', una ópera contemporánea con dirección musical de Víctor Pablo Pérez, ex-director de l'antigua Sinfónica del Principáu (OSA), y dirección escénica de Paco Azorín.

Podemos empezar diciendo que María Moliner ye una ópera en dos actos y diez escenes, pero'l montaxe que llega al Campoamor ye muncho más yá que supón, según esplica Paco Azorín, un homenaxe a una muyer inxustamente tratada pola hestoria.

El llibretu, obra de la uvieína Lucia Vilanova quier emponderar a una académica ensin sillón pol machismu.

Una ópera que supón el regresu del maestru Víctor Pablo Pérez al fosu del Campoamor y con un personaxe que ye un luxu pa interpretar, esplica la Mezzosoprano María José Montiel.

'María Moliner' ye tamién una ópera de palabres. Palabres que se canten p'adientrase nel mundu interior d'una muyer fascinante de la nuesa hestoria.