'Reset rural, hacia una ciudadanía agropolitana' en Xixón

Talleres participativos pa recuperar el llugar del campu como fonte d'inspiración

Esta mañana en Xixón, Llaboral Centru d’Arte y Impulsa empreses xunto col colectivu artísticu PACA, entamó un nuevu proyectu denomáu 'Reset rural, hacia una ciudadanía agropolitana'. La iniciativa desendolcará talleres hasta’l final del branu con acciones artístiques, paisaxístiques y esperienciales pa estrechar venceyos perdíos ente les zones rurales y urbanes del conceyu.

El 80% del suelu del conceyu de Xixón ta catalogáu como rural, sicasí, la ciudá dexólu nun segundu planu. Recuperar el llugar del campu, como fuente d’inspiración y riqueza, ye l’oxetivu que se persigue, baxo’l conceptu agropolitanu, por Llaboral Centru d’Arte y Creación Industrial en collaboración col espaciu PACA, Proyectos Artísticos Casa Antonio, con más d’una década na parroquia de L’Abadía, orientáu a residencies creatives.

Dende güei y hasta ochobre, PACA fadrá talleres participativos pa contribuyir a la creación colectiva de nueves dinámiques collaboratives ente cultivu y cultura, campu y ciudá.

Cola sema colectiva d’una planta importanda, Isatis tinctoria, de la que se saca’l pigmentu azul pastel pal tinte testil, Xixón quier ser exemplu d’uná ciudá agropolitana recuperando, rehabilitando y actualizando con creatividá y anovación el conceptu d’urbanu y rural como un tou.