Buscando nes hemeroteques, el calderalgu Joaquín Ocampo atopó dellos artículos del rector Leopoldo Alas Argüelles, el fíu de "Clarín". Llamó-y l'atención la fondura analítica d'esti home de Derechu, y decatóse de qu'había un vacíu qu'enllenar.
El resultáu ye una compilación de 150 artículos asoleyaos na prensa rexonal y nacional y escritos dende L'Atalaya del Uviéu prósperu de los años venti. Xuntos dibuxen una Asturies distinta no económico, pero d'inquietúes idéntiques a l'actual: el futuru del carbón, les deficientes comunicaciones ferroviaries, el papel de la muyer y de la relixón, los nacionalismos.
Idees qu'ayudaron a Leopoldo Tolivar a conocer meyor la figura de so güelu.
Con esta espublización repárase, en parte, el legáu d'un humanista herederu del grupu d'Uviéu, del krausismu y de la Institución Llibre d'Enseñanza silenciáu pola dictadura.
Na Universidá d'Uviéu Alas Argüelles exerció'l so rectoráu seis años y nel Aula Magna presentaráse'l xueves la obra.
© 2023 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL