L'agrupación 'Ludis Duo' ufierta conciertos de pianu a cuatro manes

La modalidá de pianu a cuatro manes malapenes cunta con músicos profesionales n'Asturies

Güei presentóse l'agrupación 'Ludis Duo'. Dos pianistes, que remataron los sos estudios nel Conservatoriu Cimeru de Música del Principáu d'Asturies, xúnense pa ufiertar conciertos de pianu a cuatro manes.

La modalidá de pianu a cuatro manes malapenes cunta con músicos profesionales na nuesa rexón, pola complexidá que supón sincronizase dos músicos nel mesmu pianu.

Un trabayu que llega dempués de 10 años d'estudiu de pianu. 'Ludis Duo' tien programaos conciertos a partir del mes que vien. El 16 de xunetu van actuar en Llanes.