Avilés va acoyer per primer vegada n'Asturies l'Indómitas Day

La cita quier visibilizar los llogros de distintes muyeres p'avanzar nel camín de la igualdá

Indómitas, una plataforma nacional de conteníos sobre muyeres qu'avancen nel campu de la igualdá, va estrenase n'Avilés con un primer alcuentru pa conocer y celebrar los llogros de persones que tán rompiendo barreres n'ámbitos hasta agora mayoritariamente masculinos.

El I Indómitas Day va celebrase'l próximu sábadu nel Palaciu de Maqua cola participación, ente otres, de l'atleta paralímpica Sara Andrés, la comandante d'helicópteru Nuria Bravo, la minera Concha Rodríguez y l'alpinista Rosa Fernández.

“Indómitas da voz a muyeres increíbles del nuesu tiempu, que tán rompiendo moldes", esplicó esti xueves Silvia Oviñano, directora del proyectu, nel actu de presentación d'esta iniciativa.