Avilés celebra'l Día Mundial de la Visión

Investigadores y especialistes aborden les meyores de la xenética y oftalmoloxía

Avilés celebra'l Día Mundial de la Visión con una xornada científica que concluyó cola reconocencia a los 30 años d'actividá de l'asociación 'Es Retina Asturias', que cunta con 200 families ente los sos asociaos. El so oxetivu, a futuru, ye siguir sofitando'l desenvolvimientu de nuevos tratamientos o lluchar por qu'haya un diagnósticu precoz.

Esisten más de 50 patoloxíes de la retina, la distrofia hereditaria ye una d'elles y pue apaecer a cualquier edá. Nun tien cura, pero los tratamientos con terapia xenética tán retrasando la enfermedá y meyorando la calidá de vida de los enfermos. Esta terapia ye una ventana a nueves meyores na llucha por correxir les más de 200 mutaciones xenétiques qu'esisten

Los afectaos por patoloxíes qu'afecten a la visión piden un Plan Nacional de Prevención de la Ceguera Vital.