El Muséu de Belles Artes súmase al Proyectu Arches

Acerca l'arte a persones con discapacidá intelectual o sensorial

El Muséu de Belles Artes d'Asturies súmase al proyectu européu de recursos accesibles pa los entornos patrimoniales culturales.

Una esperiencia pionera y anovadora que quier que les persones con discapacidá sensorial o cognitiva descubran y esfruten les obres de la pinacoteca asturiana.

El Proyectu Arches desendólcase n'España nel muséu asturianu xunto a los madrilanos Thyssen y Lázaro Galdiano, xunto a otros d'Austria, Serbia y el Reinu Xuníu.

Un proyectu multidisciplinar que coordina l'asturiana Treelogic y que tien tres años pa desendolcar anovadores aplicaciones que permitan la interacción col arte.

Pa facelo posible, Arches busca voluntariáu que quiera rellacionase coles obres del Belles Artes d'Asturies.