Goyo Rodríguez crea una campaña pa fomentar la llectura

L’ilustrador presenta un diariu sobre’l confinamientu

L’ilustrador Goyo Rodríguez creó una campaña de promoción a la llectura pal Ministeriu de Cultura. Llámase 'Leer protege la mente'.

Esti artista ye burgalés pero vive en Candás. Amás, d’esti trabayu oficial, estos díes presenta una publicación: 'Casas. Diario gráfico de un confinamiento', un llibru onde compila 60 dibuxos que fizo nel enzarru en casa, con mensaxes positivos y d’homenaxe a los profesionales qu’afrontaron el Covid en primer llinia.

Un diariu nel que, según l’autor, aparcó la crítica que suel haber na so obra pa intentar evocar una visión más esperanzadora.