Héctor Menéndez fai’l videuclip del cantar 'La Lienda', del grupu folk D'Urria

El cortu ye amás el so proyectu del Ciclu d’Imaxe

Tres soldaos republicanos fuxen de Madrid en 1936, cuando la capital ye asediada pol bandu subleváu, entamando d’incógnitu una peligrosa vuelta p’Asturies, la so tierra natal.

Ye l’entamu del curtiumetraxe musical del mozu asturianu Héctor Menéndez Aneiros, qu’acaba de terminar el segundu cursu del Ciclu d’Imaxe de FP. Val de videuclip pa la canción 'La Lienda' del grupu folk D'Urria y como trabayu de clas, que-y dexó algamar un sobresaliente.

Pal so proyectu, Héctor pudo elixir cualquier de los cantares que componen el primer discu de la banda D'Urria, formada por componentes de conocíos grupos como Felpeyu.

Pal curtiu contaron cola collaboración del Muséu del Ferrocarril de Ponferrada y de los actores del Grupu de Recreación Histórica Frente del Nalón.

El videuclip presentaráse’l 2 de xunetu n’Avilés.