La OSPA diseña una actividá educativa basada en 'El gato con botas'

Incluye material audiovisual y una guía didáctica pa trabayar en castellanu y asturianu

La Orquesta Sinfónica del Principáu d’Asturies (OSPA) diseñó l’actividá educativa 'El gato con botas' p’alumnáu de Primaria, Secundaria y Bachilleratu qu’incluye material audiovisual y una guía didáctica pa trabayar asignatures como música, lengua castellana y llingua asturiana.

El proyectu básase nel famosu cuentu de Charles Perrault y, pa ello, la OSPA cunta col músicu Aarón Zapico, la compañía de títeres Per Poc, el clavecinista David Palanca, l’actor Félix Corcuera y el profesor Marcos Quiroga.

La OSPA grabará esta selmana’l videu que xune la narración del cuentu de Perrault cola so representación con figures de papel y cola música barroca escoyida pa esti proyectu.