La Sala de Arte Joven de Madrid espón l'Amuesa d'Artes Plástiques del Principáu

Les obres de los nuevos valores asturianos van pasar per Salamanca, enantes de volver a casa

L'Amuesa d'Artes Plástiques del Principáu aterrizó en Madrid. La esposición cunta coles creaciones d'ocho artistes asturianos de distintes disciplines como cerámica, videu y pintura.

Ye una amuesa conxunta, na que s'inclúi la obra del ganador del Premiu Lab Mozu Los Bragales.

L'oxetivu d'esta esposición ye dar a conocer a los nuevos valores asturianos del mundu del arte y la creación.

L'amuesa ta en Madrid y va pasar per Salamanca enantes de tornar al Principáu.