Los dos exes de los llibros que destacamos güei nes presentaciones de la Selmana Negra de Xixón son el d’un atentáu fallíu escontra Franco y l’afilada pluma de Vázquez Montalbán na recta final de la dictadura.
'Cambiar la vida, cambiar la historia', ye l’antoloxía del únicu trabayu periodísticu non asoleyáu de Vázquez Montalbán, rescatáu del archivu históricu del PCE. Son unos 60 artículos que van dende 1976 a 1979 y que facía col dibuxante El Zurdo.
Ye’l retratu d’una época pero tamién con una temática vixente, como reivindicaciones de la muyer o la llucha de clases.
Los secretos d’un atentáu fallíu escontra Franco ye lo que presenta Alejandro Gallo nel so llibru. Centráu nos dos últimos años de la guerrilla ástur-lleonesa comandaes por Manuel Caxigal y Manuel Girón.
Dos llibros sobre acontecimientos que marcaron la nuestra historia.
© 2023 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL