Retrospectiva de Mónica Dixon n'A Caridá

'Vivir lo extraño' pue vese hasta'l 22 d'ochobre

'Vivir en lo extraño' ye’ l nome de la retrospectiva qu’ufierta Mónica Dixon nuna esposición qu’estos díes acueye la sala As Quintas d’A Caridá. Son 17 obres que yá tenían que tar asoleyaes, pero que nun dexó la pandemia.

Agora, esta muyer de los Estaos Xuníos de nacencia pero uvieína de residencia dende va unos años, déxanos viaxar a esos entornos que nun existen, enllenos de xeometríes, y siempres caracterizaos por xuegos de lluces y solombres. Estancies nes que podemos evadinos de la realidá unos minutos, onde la escuridá reina dellos instantes pa llevanos con rapidez a entornos cargaos de lluz.

La esposición de Mónica Dixon n’El Franco podrá vese hasta’l 22 d’ochobre viniente.