Un desfile nel esterior del HUCA pa conmemorar el Día del Neñu Hospitalizáu

Cuatro asociaciones piden qu'esta xornada s'institucionalice

Un total de 200 hospitales españoles celebren güei'l Día del Neñu Hospitalizáu. N'Asturies, cuatro asociaciones entamaron un desfile nel esterior del Hospital Central d'Asturies p'animar a los pequeños ingresaos.

Los más pequeños tán detrás de les ventanes recibiendo los besos que-yos dan l'Asociación Galbán, Clowntigo, Narices Azules y Cruz Roja Mocedá, organizaciones que lleven un añu ensin poder sofitar a los pequeños y, como ellos, échenlos de menos.

Adaptáronse con talleres y actividaes online, pero aseguren que nada pue sustituyir al cara a cara.

Afortunadamente, esti añu de pandemia los ingresos de menores amenorgaron abondo.

Les organizaciones piden qu'esta xornada s'institucionalice y que se celebre como Día Internacional del Neñu Hospitalizáu.