Un seminariu de peluquería canina con un fin solidariu

Castrillón recalda 3.000 euros pa la llucha escontra'l Síndrome de Rett

El Valey de Castrillón quedó pequeñu esta mañana, p’albergar a los asistentes a un seminariu de peluquería canina, que tenía amás una finalidá benéfica, la llucha escontra’l Síndrome de Rett. Entamáu pola escuela Artero International Academy, col sofitu de CastriCom y Comercia, Asociaciones de Comerciu de Castrillón, cuatro profesores amosaron les nueves tendencies en belleza canina.

Desenredar, cepillar, llavar. Ye parte del ritual de belleza de los perros que güei son modelos pa una bona causa, recaldar fondos pa la llucha escontra’l Síndrome de Rett.

Según los espertos, les tendencies na peluqueria canina adáptense a los tiempos.

A la hora de cortar, los espertos en belleza capilar canina, amuesen les meyores técniques a unos profesionales que lleguen atrayíos poles clases práctiques pero tamién pola iniciativa solidaria.

Con esta iniciativa recaldáronse 3.000 euros pa lluchar escontra esti trestornu xenéticu neurolóxicu y del desendolcu qu’afecta, sobre manera, a les neñes, a una de cada 10.000.