La princesa Leonor va recibir la Medaya d'Asturies el día 24 n'Uviéu

El Conseyu de Gobiernu alcordó conceder la reconocencia a la Princesa d'Asturies por cuenta de la so mayoría d'edá

La princesa Leonor de Borbón va recibir la Medaya d'Asturies el xueves 24 d'ochobre n'Uviéu nun actu que va tener llugar na biblioteca de la Universidá d'Uviéu, asitiada nel edificiu históricu de la institución académica, informa'l Gobiernu asturianu.

El Conseyu de Gobiernu alcordó'l pasáu 19 d'avientu dar esta reconocencia a la Princesa d'Asturies por cuenta de la so mayoría d'edá, al igual que yá fixo en 1986 con so padre, Felipe VI, en dambos casos pola so condición d'herederos al tronu.

Leonor de Borbón cumplió 18 años el 31 d'ochobre de 2023, fecha na que tamién xuró la Constitución.