La primer edición de los premios Gaudiosa homenaxa a Clarín y a la so afición pola esgrima

Los bisnietos del escritor recueyen el galardón n'Uviéu

Floretes pa homenaxar a Leopoldo Alas Clarín y pa recordar la so afición pola esgrima. Ye lo que se pudo ver esta mañana na biblioteca d’El Fontán, n’Uviéu, onde se dieron per primer vegada los premios Gaudiosa, daos por esta asociación d’esgrima histórica.

En 1892, l’autor de La Rexenta y el tamién escritor Emilio Bobadilla enfrentaron les sos espades pa resolver una disputa lliteraria.

Güei recreóse esi duelu que terminó con Clarín mancáu na boca. Los sos bisnietos recoyeron el galardón.