La Feria d'Innovación y Nueves Tecnoloxíes anuévase y estrena organizadores y allugamientu

Fimp cambia de Xixón a Siero col mesmu equipu que la CometCon

La Feria d'Innovación y Nueves Tecnoloxíes Fimp anuévase y estrena organizadores y allugamientu. Cambia de Xixón a Siero col mesmu equipu que la CometCon.

La plaza cubierta de La Pola acueye esta edición, que s'estrenó con 250 alumnos de colexos y institutos. La feria combina ociu y formación. Dos díes con realidá aumentada, talleres, visites de youtubers, deporte virtual o industria indie. Amás, tamién hai espaciu pal comerciu artesanal y los artistes.

Lo que más se vende siguen siendo los videoxuegos tradicionales, 'Fifa' o 'Zelda', pero modernizaos en nueves versiones; y tocante a consoles, de too.

L'eventu ye gratuitu pa esfrutar del centenar d'estaciones de xuegu disponibles.