Uviéu vuélcase cola princesa d'Asturies

La visita de Leonor xenera gran espectación ente los medios y el públicu xeneral

Cientos de persones arroparon esti xueves nes cais de la capital asturiana a la princesa Leonor, que güei protagonizó los sos primeros actos na comunidá que da nome al títulu d'Heredera de la Corona ensin la presencia de sos padres, los reis, pa recibir el titulu d'alcaldesa honoraria d'Uviéu y la Medaya d'Asturies.

Los curiosos y los siguidores de la Casa Real axuntábense na plaza del Conceyu d'Uviéu pa ver a la princesa d'Asturies. Dalgunos esperaron hores pa poder tar en primer fila y mereció la pena porque tres ser recibida poles autoridaes, averóse a la xente y foi saludándolos unu a unu.

Leonor nun pudo tar más arropada nel so primer actu en solitario que xeneró muncha espectación tanto de medios de comunicación como del públicu xeneral, móvil en mano ente grandes midíes de seguridá. Too fueron afalagos pa la princesa.

Leonor va axuntase con sos padres y cola infanta Sofía esta tarde p'asistir al tradicional Conciertu de los Premios Princesa d'Asturies.