Coles de madrugada y con munchu fríu pa tener la fecha deseada pa casase en San Pedro

Al añu fáense unes 70 bodes sobre les termes romanes d'El Campo Valdés

Nun amaneciera y yá taben faciendo cola nuna madrugada baxo cero, solliviada con café, por piedá del párrocu. L'amor de padre tolo pue y María Álvarez, la primera n'escoyer, cásase'l 12 de setiembre de 2026.

La Ilesia de San Pedro bien podría llamase "la deseada". Dende va quince años novies, pareyes y sobre manera madres esperen pa que los sos fíos contraigan matrimoniu nuna fecha concreta. El 6 de xunu va ser el gran día pa Lucía y Alberto, cunten María Eugenia Toral y Javier Gómez, párrocu de San Pedro.

San Pedro ye un iconu pa los xixoneses, asina que dalguna madre aguantó mecha dende les 6:00 asegura Mari Durán.

Al añu fáense unes 70 bodes sobre les termes romanes d’El Campo Valdés. Abel y Covadonga esperen a que’l 24 d'ochobre tea llibre, señala Abel Menéndez.

Nun entainen, a don Javier quéden-y feches pa casalos como Dios manda.