'Hamlet', 'Postales Rotas' y 'Yo la quería' d'Higiénico Papel, finalistes de los Premios Oh!

Los galardones daránse'l próximu 31 de xineru nuna gala nel Teatru Xovellanos

La más nominada ye 'Postales Rotas' de Zig Zag Danza. El Premiu Xovellanos quedó finalista en seis categoríes: al meyor espectáculu, dirección, escenografía, banda sonora orixinal, diseñu de lluz y producción.

Sigue de cerca, con 5 nominaciones, 'Yo la quería' cola qu'Higiénico Papel aborda la violencia escontra les muyeres. Los sos protagonistes tamién busquen un Oh a la meyor interpretación masculina y femenina, meyor dirección y autoría. Y la terna ciérrase con un clásicu: 'Hamlet', col que Guayominí Producciones ruempe la cuarta paré, apunta Mayra Fernández, vicepresidenta d'EscenAsturies.

Esta decimosesta edición, na que se presentaron 161 candidatures a 11 categoríes promete tar mui reñida. Los galardones daránse'l próximu 31 de xineru nuna gala nel Teatru Xovellanos. Seguro que se va escuchar más d'un... Oh, Oh, Oh!!!