Ópera p'adolescentes en La Pola (Siero)

'El secreto del otro' ye una ópera contemporánea vanguardista qu'inclúi escenes teatrales

La relación del conde y la condesa ta deteriorada dempués de que dambos tuvieren una doble vida, entá más tres la perda d'un fíu. Metanes esta situación, un impostor va querer aprovechase pa quedase col dineru. Dempués d'asistir a la hestoria, el públicu tendrá de decidir si esa pareya sigue o non, apunta Íñigo Santacana, director de la ópera 'El secreto del otro'.

Ópera contemporánea vanguardista qu'inclúi escenes teatrales. Nella, Mozart y Rossini lleguen a los oyíos colos arreglos electrónicos d'Íñigo Plazaola detallen Francisco Sierra, barítonu, nel papel del Conde d'Almaviva; Vilma Ramírez, sopranu, nel papel de la condesa Rosine; y Ángel Simón, barítonu, nel papel de Beggears.

El testu ta traducíu al castellán, pa que s'entienda ensin necesidá de subtítulos. Y la duración amenórgase a una hora. Una adaptación que redefine un xéneru.

L'estrenu va ser esti sábadu nel Auditoriu de La Pola (Siero). La próxima selmana van pasar tamién pel Teatru Xovellanos de Xixón y el Filarmónica d'Uviéu.