Pelayo Suárez inaugura la so esposición 'Manos que hablan' na Fundación Alvargonzález

L'amuesa inxerta una serie de retratos d'animales de la fauna autóctona

Un total de 21 obres n’acuarela, acrílicu y a llápiz dan forma a la esposición que s’inauguró na Fundación Alvargonzález de Xixón: 'Manos que hablan'. Son los últimos trabayos del pintor uvieín Pelayo Suárez.

L’amuesa inxerta una serie de retratos d’animales de la fauna autóctona. Pintures coles que l’artista quier reflexar una conexón íntima ente artista y naturaleza, resaltando la importancia de los detalles, la lluz y los contrastes de color.

Pa ello, Pelayo Suárez visitó diferentes certámenes de ganáu d’Asturies. Animales convertíos nun instrumentu pa la tresmisión d’emociones, al traviés d’una esposición que pue visitase hasta’l 31 d’esti mes.